"Манчестер Юнайтед" Франция терма жамоаси ва "Айнтрахт" ҳужумчиси Рандал Коло Муанини "Аталанта" ҳужумчиси Расмус Хёйлуннга муқобил вариант сифатида кўриб чиқишга тайёр. Чунки, даниялик футболчининг трансферида "манкунианликлар" жиддий қийинчиликларга дуч келишди, дея хабар бермоқда ESPN нашри.
Манбага кўра, "қизил иблислар" "Аталанта" Хёйлуннинг трансферига қўйиладиган талабларни камайтиришга рози бўлмаслигидан қўрқиб, ёзда ҳужум чизиғини кучайтиришнинг бошқа вариантларини кўриб чиқишга мажбур. Шу тариқа, аввал ҳам қизиқиш билдирган Рандал Коло Муани "қизил иблислар" учун энг устувор вариантга айланиши мумкин.
2022/2023 йилги мавсумда Коло Муани "Айнтрахт" сафида барча мусобақаларда 46 та ўйин ўтказиб, 23 та гол ва 14 та голли узатмани амалга оширди. Футболчининг Франкфурт клуби билан шартномаси 2027 йилнинг июнь ойи охиригача амал қилади. Transfermarkt портали футболчининг тахминий нархини 80 миллион еврога баҳоламоқда.
