Madridning “Atletiko” klubi hujumchisi Antuan Grizmann Saudiya Arabistonining “Al-Hilol” klubiga o‘tishi mumkin.

Jurnalist Ashraf Ben Ayadning yozishicha, "Al-Hilol" allaqachon 32 yoshli fransiyalik futbolchiga shartnoma imzolashni taklif qilgan. Qayd etilishicha, Saudiya klubi Grizmannga yiliga 40 million yevro to‘lashga tayyor.

Avvalroq, futbolchiga Saudiya Arabistonining boshqa bir klubi (“An-Nasr”) qiziqish bildirgandi. Biroq Grizmann hozirda Krishtianu Ronaldu to‘p tepayotgan jamoaga o‘tishdan bosh tortdi.

2022/23 yilgi mavsumda forvard barcha musobaqalarda 48 ta uchrashuvda ishtirok etib, 16 ta gol urdi va 19 ta golli uzatma muallifi bo‘ldi.