Мадриднинг “Атлетико” клуби ҳужумчиси Антуан Гризманн Саудия Арабистонининг “Ал-Ҳилол” клубига ўтиши мумкин.

Журналист Ашраф Бен Аяднинг ёзишича, "Ал-Ҳилол" аллақачон 32 ёшли франциялик футболчига шартнома имзолашни таклиф қилган. Қайд этилишича, Саудия клуби Гризманнга йилига 40 миллион евро тўлашга тайёр.

Аввалроқ, футболчига Саудия Арабистонининг бошқа бир клуби (“Ан-Наср”) қизиқиш билдирганди. Бироқ Гризманн ҳозирда Криштиану Роналду тўп тепаётган жамоага ўтишдан бош тортди.

2022/23 йилги мавсумда форвард барча мусобақаларда 48 та учрашувда иштирок этиб, 16 та гол урди ва 19 та голли узатма муаллифи бўлди.