"Arsenal" bosh murabbiyi Mikel Arteta "Barselona" bilan nazorat uchrashuvidan so‘ng (5:3) "kanonirlar" hujum chizig‘ini kuchaytirishga hojat yo‘qligini aytdi.
"Agar bizda bir mavsumda 25, 30, 40 ta gol ura oladigan hujumchi bo‘lsa, bu ajoyib.
Bugun Gabriel Jezus gol ura olmadi, lekin bu Gabining so‘nggi oylardagi eng yaxshi versiyasi.
Bugun biz ko‘rgan Kay Xaversning hissasi uning maydonga nima uchun tushganini ko‘rsatdi.
Bizda hujumda ko‘plab o‘yinchilar bor va ular o‘zaro raqobatlashadi, bu esa ishimni biroz qiyinlashtiradi" - dedi Arteta.
