«Komo» klubi bosh murabbiyi Sesk Fabregasning kelajakdagi rejalari borasida qiziqarli ma’lumotlar paydo bo‘ldi. Sky Sports bosh muxbiri Kavex Solxekol ispaniyalik mutaxassisning intilishlari haqida to‘xtalib o‘tdi.
«Menga berilgan ma’lumotlarga ko‘ra, Sesk Fabregas uzoq muddatli istiqbolda kun kelib «Arsenal» boshqaruviga kelishni niyat qilgan. Uning faoliyati davomida qachondir «Chelsi»da ishlashni xohlashiga esa shubham bor», — dedi Solxekol Sky Sports Transfer Talk Podcast efirida.
Eslatib o‘tamiz, avvalroq OAVda «Chelsi» rahbariyati shu yozda Fabregasni jamoa bosh murabbiyligiga tayinlash variantini ko‘rib chiqayotgani haqida xabarlar tarqalgan edi. Sesk futbolchilik faoliyati davomida 2014 yildan 2019 yilga qadar «ko‘klar» sharafini himoya qilgan.













