Hujumchi Rasmus Xyoylund "Atalanta"dagi yaxshi mavsumdan so‘ng o‘sishda davom etish uchun boshqa grand klub safiga qo‘shilishga yaqin.
Yozgi transfer bozorida “Manchester Yunayted” va “PSJ” 20 yoshli daniyalik uchun kurash olib bormoqda.
Jurnalist Mohamed Buhafsining ijtimoiy tarmoqlarda yozishicha, Xyoylund Angliyaning top-klubini tanlagan. Qayd etilishicha, “Manchester Yunayted”da o‘ynash Rasmusning orzusi bo‘lgan.
Xyoylund allaqachon "Manchester Yunayted"ga o‘tishga rozi bo‘lgan, uning shartnomasi 6 yilga mo‘ljallangan. "Qizil iblislar" va "Atalanta" o‘rtasidagi muzokaralar hali yakuniga yetmagan, ammo klublar kelishishga yaqin turibdi.
Rasmus Xyoylund transfermarkt tomonidan 45 million yevroga baholangan.