«Yuventus» markaziy himoyachisi Gleyson Bremer kelajagi haqida gapirdi.
Braziliyalik futbolchiga Angliya Premyer-ligasining turli klublari, jumladan, «Tottenxem» va «Manchester Yunayted» qiziqish bildirmoqda.
26 yoshli futbolchining o‘z fikriga ko‘ra, bu transferlar amalga oshishi dargumon: «Menga ingliz klublari qiziqsa ham, «Yuventus»da qolmoqchiman. Bu yerda sovrinlar yutish niyatim bor», - dedi futbolchi Tuttosport nashriga bergan intervyusida.
Greyson Bremer o‘tgan yozda «Torino»dan 41 million yevro evaziga «byankonerilar» safiga o‘tgan edi.
Markaziy himoyachining «keksa sinyora» bilan amaldagi shartnomasi 2027 yilning o‘rtalariga qadar tuzilgan.
