«Ювентус» марказий ҳимоячиси Глейсон Бремер келажаги ҳақида гапирди.
Бразилиялик футболчига Англия Премьер-лигасининг турли клублари, жумладан, «Тоттенхэм» ва «Манчестер Юнайтед» қизиқиш билдирмоқда.
26 ёшли футболчининг ўз фикрига кўра, бу трансферлар амалга ошиши даргумон: «Менга инглиз клублари қизиқса ҳам, «Ювентус»да қолмоқчиман. Бу ерда совринлар ютиш ниятим бор», - деди футболчи Tuttosport нашрига берган интервьюсида.
Грейсон Бремер ўтган ёзда «Торино»дан 41 миллион евро эвазига «бьянконерилар» сафига ўтган эди.
Марказий ҳимоячининг «кекса синёра» билан амалдаги шартномаси 2027 йилнинг ўрталарига қадар тузилган.
