Co‘nggi besh mavsumda jarima zarbalaridan ko‘proq gol urgan futbolchilarni sanab chiqdik. Ma’lum bo‘lishicha, Yevropaning kuchli beshlik ligalarida bu borada Leo Messidan yaxshiroq o‘yinchi yo‘q.

Ushbu besh yil davomida «Barselona» va «PSJ»da o‘ynagan argentinalik futbolchi jarima zarbalaridan 16 ta gol urgan.

Ikkinchi o‘rin «Sautgempton» sardori Jeyms Uord-Prauzga nasib etdi. Uning hisobida 15 ta gol bor va bu davrda u Premyer-ligada jami 39 ta gol urdi. Yarim himoyachi shu qadar ishonch bilan o‘ynadiki, u Premyer-ligada jarima zarbalaridan gol urish bo‘yicha Bekxemning rekordini yangilashiga bir qadam qolgan.

Argentinalik va inglizdan keyin ro‘yxatdagi uchinchi o‘yinchi – yaqinda «Tottenxem» safiga kelib qo‘shilgan yarim himoyachi Jeyms Meddison. U o‘zining 8 ta golini «Lester» safida jarima zarbalaridan kiritdi. «Frayburg» a’zosi italiyalik Vinchenso Grifo ham shuncha gol urgan.

Krishtianu Biragxi («Fiorentina»), Maksimilian Arnold («Volfsburg»), Sergey Milinkovich-Savich («Lasio») va Teji Savanye («Monpelye») teng ravishda 6 tadan gol urishgan.