Cўнгги беш мавсумда жарима зарбаларидан кўпроқ гол урган футболчиларни санаб чиқдик. Маълум бўлишича, Европанинг кучли бешлик лигаларида бу борада Лео Мессидан яхшироқ ўйинчи йўқ.

Ушбу беш йил давомида «Барселона» ва «ПСЖ»да ўйнаган аргентиналик футболчи жарима зарбаларидан 16 та гол урган.

Иккинчи ўрин «Саутгемптон» сардори Жеймс Уорд-Праузга насиб этди. Унинг ҳисобида 15 та гол бор ва бу даврда у Премьер-лигада жами 39 та гол урди. Ярим ҳимоячи шу қадар ишонч билан ўйнадики, у Премьер-лигада жарима зарбаларидан гол уриш бўйича Бекхэмнинг рекордини янгилашига бир қадам қолган.

Аргентиналик ва инглиздан кейин рўйхатдаги учинчи ўйинчи – яқинда «Тоттенхэм» сафига келиб қўшилган ярим ҳимоячи Жеймс Мэддисон. У ўзининг 8 та голини «Лестер» сафида жарима зарбаларидан киритди. «Фрайбург» аъзоси италиялик Винченцо Грифо ҳам шунча гол урган.

Криштиану Бирагхи («Фиорентина»), Максимилиан Арнольд («Вольфсбург»), Сергей Милинкович-Савич («Лацио») ва Тежи Саванье («Монпелье») тенг равишда 6 тадан гол уришган.