«Inter» bosh murabbiyi Simone Indzagi Londonning «Arsenal» klubi himoyachisini o‘z jamoasida ko‘rmoqchi.
Gap markazda ham, himoyaning o‘ng qanotida ham pozisiyani yopishga qodir Takexiro Tomiyasu haqida ketmoqda. Yaponiyalik himoyaviy yarim himoyachi sifatida ham o‘ynashga qodir.
La Gazzetta dello Sport nashri xabariga ko‘ra, Tomiyasu «Inter»ning mudofaani kuchaytirish bo‘yicha qisqa ro‘yxatida birinchi o‘rinda turadi.
Takexiro o‘tgan mavsumda barqaror o‘yin o‘tkaza olmagani uchun bu yozda «Arsenal»ni tark etishi mumkin.
Qayd etilishicha, «Inter» Tomiyasuni ijaraga olmoqchi. Yaponiyalik avvalroq A Seriyada «Bolonya» safida o‘ynagan edi.
