Kevin de Bryuyne Premyer-liga o‘yinlarida to‘xtash vaqti ko‘payganidan norozi.

Eslatib o‘tamiz, Angliyada yangi mavsumdan gollar nishonlash, penaltilar va qoidabuzarliklardan keyin o‘yinni to‘xtatish uchun sarflangan vaqtni hisobga olish rejalashtirilgan.

Angliya Superkubogi doirasidagi “Manchester Siti” – “Arsenal” uchrashuvida (1:1, penaltilar bo‘yicha 1:4) ikkinchi bo‘limga 8 daqiqa qo‘shib berildi, “Arsenal” qo‘shib berilgan 11-daqiqada hisobni tenglashtirdi.

"Aftidan, biz hozir har bir o‘yinda qo‘shimcha 15 daqiqa o‘ynaymiz. Biz "Arsenal" futbolchilari va hattoki hakamlar bilan gaplashdik - ular buni xohlamaydilar, ammo bu yangi qoida.

Har doim vaqt ajratadigan "Arsenal"dan past darajadagi jamoalar bilan o‘ynasa, nima bo‘lishini faqat taxmin qilish mumkin.

Superkubokda biz 12-13 qo‘shimcha daqiqa o‘ynadik. 20-25 daqiqa qo‘shiladigan o‘yinlarni tasavvur qilyapman. Bir-ikki oy ichida hammasi o‘zgarishi mumkin, ammo bu birinchi o‘yin", - dedi "Manchester Siti" yarim himoyachisi.