Кевин де Брюйне Премьер-лига ўйинларида тўхташ вақти кўпайганидан норози.
Эслатиб ўтамиз, Англияда янги мавсумдан голлар нишонлаш, пенальтилар ва қоидабузарликлардан кейин ўйинни тўхтатиш учун сарфланган вақтни ҳисобга олиш режалаштирилган.
Англия Суперкубоги доирасидаги “Манчестер Сити” – “Арсенал” учрашувида (1:1, пенальтилар бўйича 1:4) иккинчи бўлимга 8 дақиқа қўшиб берилди, “Арсенал” қўшиб берилган 11-дақиқада ҳисобни тенглаштирди.
"Афтидан, биз ҳозир ҳар бир ўйинда қўшимча 15 дақиқа ўйнаймиз. Биз "Арсенал" футболчилари ва ҳаттоки ҳакамлар билан гаплашдик - улар буни хоҳламайдилар, аммо бу янги қоида.
Ҳар доим вақт ажратадиган "Арсенал"дан паст даражадаги жамоалар билан ўйнаса, нима бўлишини фақат тахмин қилиш мумкин.
Суперкубокда биз 12-13 қўшимча дақиқа ўйнадик. 20-25 дақиқа қўшиладиган ўйинларни тасаввур қиляпман. Бир-икки ой ичида ҳаммаси ўзгариши мумкин, аммо бу биринчи ўйин", - деди "Манчестер Сити" ярим ҳимоячиси.
