Endi esa sizga bir nechta versiyalarga ko‘ra XXI asrning eng kuchli 10 ta darvozabonini tanishtirib chiqamiz.

10-o‘rin. Keylor Navas (Kosta-Rika)

Kosta-Rika terma jamoasi bilan 3 marta Jahon chempionatida ishtirok etgan va "Real Madrid" bilan ketma-ket 3 marta Yevropa chempionlar ligasida zafar quchgan Keylor Navas bu reytingnin ochib beradi. "Qirollik klubi"da u ancha pas baholandi va jamoani tark etishga majbu bo‘ldi.

9-o‘rin. Yan Oblak (Sloveniya)

Yaqin-yaqingacha Sloveniya terma jamoasi asosiy darvozaboni Samir Xandanovich edi. Uning o‘rinbosari ham yetuk posbon Yan Oblak hisoblanardi. Oblak xuddi Germaniya termasi kabi Noyerdan keyingi o‘rinni kutib yashayotgan Mark Andre Ter Shtegenga o‘xshardi. Yan ham o‘z navbatini uzoq kutdi va ayni damda o‘z milliy terma jamoasining asosiy darvozaboni. Klublar miqyosida oladigan bo‘lsak ham, dastlab "Benfika", keyin "Atletiko Madrid"da u ikkinchi raqamli edi. Madrid klubida De Xea ketganilan so‘ng, Yan asosiy kiperga aylandi. Oblak-fenomenal darvozabon, ayni vaqtda La Liganing eng yaxshilaridan biri.

8-o‘rin. Ederson (Braziliya)

Alisson ajoyib darvozabon, u "Selesao"ning asosiy posboni, ammo Ederson futboldagi darvozabonlikning zamonaviy ifodasi. U bir qancha seyvlari bilan jamoasi joniga oro kirishi bilan birga, oyoqda ham mukammal o‘ynaydi. Hatto, bir nechta assist ham qayd etgan. Ederson "Manchester Siti" bilan Premyer Liganing 5 karra g‘olibi va Istambuldagi YECHL finali g‘olibidir.

7-o‘rin. Edvin van Der Sarr (Niderlandiya)

Van Der Ser XXI asr darvozabonlari uchun haqiqiy o‘rnak. "Yuventus" va "Fulxem"dagi muvaffaqiyatsiz mavsumlar hamda terma jamoadagi sovrinsiz faoliyatga qaramay Aleks Fergyuson unga ishondi. U 90 yillardagi Shmeyxel kabi muxlislar yodida qoldi. 2000 yildan keyingi MYUning eng yaxshi posboni hamdir. Afsuski, ayni damda faoliyatini yakunlagan kiper yaqinda insultga uchradi, Premyer Liganing ko‘p karra g‘olibi va YECHLni qo‘lga kiritgan afsonaviy darvozabonga sog‘lik tilaymiz.

6-o‘rin. Oliver Kan (Germaniya)

"Gorilla" laqabli posbon ro‘yxatda bundanda yuqoriroq bo‘lishi mumkin edi, ammo u 15 yil oldin nafaqaga chiqqan. XXI asrda uning g‘alabalari ko‘pdir, Chempionlar ligasi finalida "Valensiya" ustidan, ammo mag‘lubiyalar ham anchagina. Ayniqsa, 2002 yilgi mundial finalida Ronaldo boshchiligidagi Braziliya termasidan uchralgan alamli mag‘lubiyat. Lekin, Kan o‘shanda Germaniyaning finalgacha yetib kelishida o‘zining katta hissasini qo‘shgan.

5-o‘rin. Tibo Kurtua (Belgiya)

Kurtuani pastgi qatorlarda kutgamidingiz? Ammo Belgiya termasi asosiy posboni FIFA reyingida 1-o‘rinni ancha vaqt band qilib keldi. "Chelsi"dagi quruq o‘yinlari hisobiga "Real Madrid"ga ko‘chib o‘tdi. Madrid unga begona emas, chunki u avval "Atletiko"da ham faoliyat olib borgan. Uning faoliyati Van Der Sarnikiga o‘xshash, dastlab past baholangan va keyin o‘zini ancha ko‘rsatib, hatto Chempionlar ligasida ham zafar quchgan.

4-o‘rin. Petr Chex (Chexiya)

Janob stabil. Chex boshidan jiddiy jarohat oldi, bu bilan u faoliyatini ham yakunlashi mumkin edi. Ammo Chex buni istamadi va maxsus boshni himoya qiluvchi shlem bilan o‘ynay boshladi hamda "Chelsi" bilan sovrinlar yig‘ishda davom etdi. Terma jamoasi bilan Yevro-2004 ga chiqa olmagani biroz achinarli, sababi o‘sha vaqtlar Chexiya termasida Nedved, Shmiser, Rociski va Koller kabi Jahon darajasidagi futbolchilar bor edi. Agar ular turnirda ishtirok etganida katta ehtimol finalda Portugaliya bilan Gresiya emas, balki Chexiya o‘ynardi. Ammo bunday bo‘lmadi. Lekin Chex klublar miqyosida ancha natijalarga erishdi. Petr 4 marta Premyer ligada va 1 marta Chempionlar ligasida g‘olib chiqdi.

3-o‘rin. Manuel Noyer (Germaniya)

Noyer o‘yin vaqtida hatto o‘zini ham nazorat qila olmaydi. Maydonda o‘z darvozasini ko‘p marta tashlab chiqadi va bu foyda bermasligi ham mumkin bo‘ladi. Noyer chang‘i uchayotib jiddiy jarohat oldi va ayni damda jarohatini tiklashda davom etmoqda. Terma jamoadaku amallasa bo‘ladi, chunki uning o‘rnini Ter Shtegen bilan to‘ldirsa bo‘ladi, lekin "Bavariya"dachi? O‘tgan mavsum uning o‘rnini to‘ldirish uchun Yan Zommer olib kelindi, Yan biroz ishonchni oqlagandek, ammo u yozgi transferlar oynasida "Inter" safiga ko‘chib o‘tdi. Ani vaqtda esa, "Bavariya" Noyerga o‘rindosh izlayapti.

2-o‘rin. Iker Kasilyas (Ispaniya)

Fotosuratchi, o‘ziga xos faylasuf, 3 karra Chempionlar ligasi g‘olibi, Jahon chempioni va 2 karra Yevropa chempioni Iker Kasilyas faoliyatining so‘nggida "Portu" bilan ham mamlakat chempioni bo‘ldi. Portugaliyada u mashg‘ulotlar paytida yurak hurujiga duch keldi hamda Iker o‘sha vaqtlarda qiyin damlarni boshdan o‘tkazdi. Sobiq xotini Sara bilan ikki yil oldin 12 yillik turmushga nuqta qo‘yib, ajrashdi. Bu ham unga ruhiy zarba bo‘lgan.

1-o‘rin. Janluijji Buffon (Italiya)

Jiji ko‘pchilik yosh darvozabonlar uchun maktab vazifasini bajaradi. Uning 2006 yilgi mundialda penaltilar seriyasidagi qahramonliklari muxlislar yodida o‘chmas iz bo‘lib qoldi.

45 yoshli futbolchi yaqindagina faoliyatini yakunladi. U bir vaqtlar "Milan" va "Barselona" kabi grand klublardan kelgan takliflarni rad etib, B Seriyada "Yuventus" tarkibida o‘ynagan. Muxlislar Buffonni nafaqat maydonda, balki maydondan tashqaridagi hayotini ham hurmat qilishadi. Jijiga bundanda ko‘proq takliflar bo‘ldi, ammo u faoliyatini so‘nggini o‘zi sevgan "Parma"da yakunlashni xohladi va bu ishni qildi ham.

Buffon-ajoyib futbolchi, "Oltin to‘p" uchun so‘rovda ikkinchi o‘rinni egallagan kamyob darvozabon. Umuman olganda, Buffon XXI asrning eng ko‘zga ko‘ringan posbonidir. Yangi mavsumda 1932 yildan beri ilk bor Metyus, Shilton va Buffon triosidan hech biri maydonga tushmaydi. Ingliz va italiyan darvozabonlari 90 yillik futbolni bir-biriga bog‘lashdi.

Yuqorida bir nechta versiyalarga ko‘ra XXI asrning eng yaxshi 10 ta darvozabonini kshrib chiqdik. Albatta, har bir inson o‘z fikriga ega, balki siz bu reytinga qo‘shilmassiz,