"Fulxem" yana bir bor "Manchester Yunayted" yarim himoyachisi Fred Santosni xarid qilishga urinib ko‘radi. Bir necha kun oldin bo‘lib o‘tgan “qizil iblislar” bilan muzokaralar oldinga siljimagandi, biroq Sky Sports xabariga ko‘ra, londonliklar bu safar murosa topa olishiga umid qilishmoqda.
Avvalroq "Manchester Yunayted" o‘z yarim himoyachisi uchun 30 million yevro talab qilgandi. "Fulxem" hali ham narxni pasaytirishga yoki ma’qbul maosh tuzilishi bo‘yicha muzokaralar olib borishga harakat qilmoqda.
Fredga "Galatasaroy" ham qiziqish bildirmoqda, ammo "Fulxem" braziliyalik yarim himoyachi uchun kurashda yaxshi imkoniyatga ega.
