"Arsenal" va Ukraina terma jamoasining chap qanot himoyachisi Aleksandr Zinchenko "Manchester Siti"ning Chempionlar ligasidagi g‘alabasi haqida fikr bildirdi.
- Albatta, siz o‘zingizga savol berdingiz: "Agar men "Manchester Siti"da qolganimda, balki bu sovrinni ko‘targan bo‘lardim?"
- Eshiting, rostini aytaman. Men juda xursand bo‘ldim. Men “Manchester Siti”ni qo‘llab-quvvatladim, chunki klub Chempionlar ligasida g‘alaba qozonishni qanchalik xohlayotganini, u yerga yetib borishi uchun qancha vaqt kerakligini tushundim. Xullas, rostini aytsam, ularning barchasi uchun juda xursand bo‘ldim.
“Manchester Siti”ning barcha futbolchilariga yozib, tabrikladim, ertasi kuni ertalab Pepning o‘zi menga qo‘ng‘iroq qildi. Rostini aytsam, menga kim qo‘ng‘iroq qilayotganini ko‘rib, men hali ham uxlayapman deb o‘yladim.
U menga birinchi bo‘lib “shaharliklar”dagi barcha futbolchilar uning bir qismi ekanligini aytdi. U ham meni tabrikladi. O‘sha paytda men juda ta’sirlandim va men uchun qilgan barcha ishlari uchun unga minnatdorchilik bildirdim.
- Lekin "Manchester Siti"dan ketganingizga afsuslanmadingizmi?
- Men shuni aytaman - barchamizning hayotimiz bitta va bizda nimadandir afsuslanishga vaqtimiz yo‘q. Biz oldinga borishimiz kerak. Ha, bu men bilan sodir bo‘ldi va men bu fantastik klubda shunday fantastik odamlar bilan o‘ynash tajribasiga ega bo‘lganimdan juda xursandman. Bu hayot", - dedi Zinchenko.
Eslatib o‘tamiz, 2022/23 yilgi Chempionlar Ligasi finalida "Manchester Siti" "Inter"ni 1:0 hisobida mag‘lub etdi va klub tarixda ilk bor Yevropaning asosiy kubogini qo‘lga kiritdi.
