“Lion” himoyachisi Kasello Lyukeba faoliyatini “Leypsig”da davom ettiradi. Bu haqda jurnalist Fabrisio Romano xabar bermoqda.
Manbaga ko‘ra, transfer summasi 35 million yevroni tashkil qiladi. 20 yoshli futbolchining nemis klubi bilan shartnomasi 5 yilga mo‘ljallangan.
O‘tgan mavsumda Lyukeba “Lion” safida 38 ta o‘yinda maydonga tushib, 2 ta gol urgan. Transfermarkt portali Fransiya yoshlar terma jamoasi futbolchisini 25 million yevroga baholamoqda.
Eslatib o‘tamiz, "Leypsig" navbatdagi o‘yinini 12 avgust, shanba kuni Germaniya Superkubogi doirasida "Bavariya"ga qarshi o‘tkazadi. Ushbu uchrashuvning boshlanishi Toshkent vaqti bilan 23:45 ga belgilangan.
