“Лион” ҳимоячиси Каселло Люкеба фаолиятини “Лейпциг”да давом эттиради. Бу ҳақда журналист Фабрицио Романо хабар бермоқда.
Манбага кўра, трансфер суммаси 35 миллион еврони ташкил қилади. 20 ёшли футболчининг немис клуби билан шартномаси 5 йилга мўлжалланган.
Ўтган мавсумда Люкеба “Лион” сафида 38 та ўйинда майдонга тушиб, 2 та гол урган. Transfermarkt портали Франция ёшлар терма жамоаси футболчисини 25 миллион еврога баҳоламоқда.
Эслатиб ўтамиз, "Лейпциг" навбатдаги ўйинини 12 август, шанба куни Германия Суперкубоги доирасида "Бавария"га қарши ўтказади. Ушбу учрашувнинг бошланиши Тошкент вақти билан 23:45 га белгиланган.
