Madridning "Real" klubi Kilian Mbappe va "PSJ" o‘rtasidagi munosabatlar masalasida chetda qolish niyatida.
Oldinroq parijliklar "juda konstruktiv va ijobiy muzokaralar"dan so‘ng hujumchi jamoaga qaytganini ma’lum qilgandi. Yozda Mbappe shartnomani uzaytirishni istamagani uchun jamoadan chetlatilgandi.
Marca nashri xabariga ko‘ra, Madrid vaziyatning hozirgi o‘zgarishini o‘zining muvaffaqiyatsizligi deb hisoblamaydi. Klub sodir bo‘layotgan voqealardan uzoqlashishga harakat qildi, fransiyalik futbolchini shu yozda sotib olishni rejalashtirmadi va na futbolchi bilan, na "PSJ" bilan muzokara o‘tkazmadi.
Endi "Real Madrid" vaziyatning rivojlanishini kuzatishda davom etish niyatida. Agar Mbappe shartnomasini uzaytirmasa va 2024 yilning yanvarida tekin transfer bo‘yicha muzokaralar olib borsa, madridliklar u bilan 2024 yilning yozida transfer bo‘yicha muzokara olib borishga harakat qiladi.













