Мадриднинг "Реал" клуби Килиан Мбаппе ва "ПСЖ" ўртасидаги муносабатлар масаласида четда қолиш ниятида.

Олдинроқ парижликлар "жуда конструктив ва ижобий музокаралар"дан сўнг ҳужумчи жамоага қайтганини маълум қилганди. Ёзда Мбаппе шартномани узайтиришни истамагани учун жамоадан четлатилганди.

Marca нашри хабарига кўра, Мадрид вазиятнинг ҳозирги ўзгаришини ўзининг муваффақиятсизлиги деб ҳисобламайди. Клуб содир бўлаётган воқеалардан узоқлашишга ҳаракат қилди, франциялик футболчини шу ёзда сотиб олишни режалаштирмади ва на футболчи билан, на "ПСЖ" билан музокара ўтказмади.

Энди "Реал Мадрид" вазиятнинг ривожланишини кузатишда давом этиш ниятида. Агар Мбаппе шартномасини узайтирмаса ва 2024 йилнинг январида текин трансфер бўйича музокаралар олиб борса, мадридликлар у билан 2024 йилнинг ёзида трансфер бўйича музокара олиб боришга ҳаракат қилади.