Rafinya "Xetafe" bilan o‘yinda maydondan chetlatilgani uchun uzr so‘radi.
La Liganing 1-turidan o‘rin olgan "Xetafe"ga qarshi o‘yinda (0:0) Rafinya uchrashuvning 42-daqiqasida maydondan chetlatildi. "Barselona" yarim himoyachisi Gaston Alvaresga tirsagi bilan zarba bergani uchun to‘g‘ridan-to‘g‘ri qizil kartochka oldi. Bundan bir necha daqiqa oldin Rafinya Karles Alenyega nisbatan qo‘pollik ishlatgani uchun sariq kartochka olgandi.
"Jamoadoshlarim, murabbiylar shtabi, muxlislar va barcha obunachilardan uzr so‘rayman. Men xatoga yo‘l qo‘ydim va bu jamoaga qimmatga tushishi mumkin edi... Men mavsumni shunday boshlashni xohlamagandim.
Men tushunaman va sodir bo‘lgan voqea uchun javobgarman. Biz xatolardan o‘rganamiz va yaxshilanamiz, men esa xatolarimdan albatta saboq olaman... Hozir ko‘plaringiz mendan nafratlanasizlar, ammo bu meni bu libos uchun qattiq ishlashda davom etishimga to‘sqinlik qilmaydi. Men sizlardan biri bo‘lib qolaman... Umid qilamanki, xatoimni imkon qadar to‘g‘irlayman”, — deb yozdi braziliyalik futbolchi o‘zining "Instagram"dagi sahifasida.
