"Napoli" yarim himoyachisi Pyotr Zelinskiy "Al-Ahli"ga o‘tishdan bosh tortdi va Italiya klubida qolishga qaror qildi.

Sky Sport nashri xabariga ko‘ra, polshalik futbolchining tanloviga uning Italiyada qolish istagida bo‘lgan rafiqasi ta’sir ko‘rsatgan. Qayd etilishicha, endi Zelinskiy "Napoli" bilan kelasi yilning yozigacha mo‘ljallangane shartnomani uzaytirishni muhokama qiladi.

Eslatib o‘tamiz, Zelinskiy "Napoli"da 2016 yilning yozidan buyon o‘ynab kelmoqda. O‘tgan mavsumda yarim himoyachi neapolliklar safida 48 ta o‘yin o‘tkazib, 7 ta gol urdi va 11 ta golli uzatmani amalga oshirdi. Transfermarkt portali 29 yoshli futbolchini 35 million yevroga baholamoqda.