"Наполи" ярим ҳимоячиси Пётр Зельинский "Ал-Аҳли"га ўтишдан бош тортди ва Италия клубида қолишга қарор қилди.
Sky Sport нашри хабарига кўра, польшалик футболчининг танловига унинг Италияда қолиш истагида бўлган рафиқаси таъсир кўрсатган. Қайд этилишича, энди Зельинский "Наполи" билан келаси йилнинг ёзигача мўлжаллангане шартномани узайтиришни муҳокама қилади.
Эслатиб ўтамиз, Зельинский "Наполи"да 2016 йилнинг ёзидан буён ўйнаб келмоқда. Ўтган мавсумда ярим ҳимоячи неаполликлар сафида 48 та ўйин ўтказиб, 7 та гол урди ва 11 та голли узатмани амалга оширди. Transfermarkt портали 29 ёшли футболчини 35 миллион еврога баҳоламоқда.
