Gresiya bosh vaziri Kiriakos Misotakis mamlakatdagi deyarli barcha futbol ishqibozlari klublari yopilishini ma’lum qildi va har bir klub uchun faqat bittadan muxlislar uyushmasi qoldi, deb xabar bermoqda "TASS".
Misotakisning bayonoti Gresiyaning YERT-1 telekanali tomonidan efirga uzatildi.
Chorshanba kuni Misotakis o‘zining Megaro Maximou qarorgohida Yevropa futbol assosiasiyalari ittifoqi (UYEFA) prezidenti Aleksandr Cheferin bilan uchrashdi, avvalroq u yerda bir qator hukumat vazirlari, "Olimpiakos", "Panatinaikos", AYEK va PAOK klubi egalari o‘rtasida futboldagi vaziyat bo‘yicha yig‘ilish bo‘lib o‘tgandi.
"Milliy miqyosda qonun hujjatlarida nazarda tutilganidek, tashkil etilgan fan-klublari yopiladi. Har bir jamoada faqat bitta muxlislar uyushmasi bo‘ladi", - dedi bosh vazir.
8 avgust kuni Afinada Chempionlar ligasi 3-saralash bosqichi o‘yini boshlanishidan oldin mahalliy AYEK klubi va Zagrebning “Dinamo” klubi muxlislari o‘rtasida mushtlashuv kelib chiqdi. To‘qnashuv natijasida Gresiya klubining 29 yoshli muxlisi halok bo‘ldi va mushtlashuvda yana 10 nafar ishtirokchisi jarohat olgandi.
