Myunxenning «Bavariya» klubi ushbu yozda shartnomasi mavsum oxirida tugaydigan himoyachi Benjamin Pavarni sotishga tayyor.
Jurnalist Filipp Kesslerning so‘zlariga ko‘ra, «qizil mashina» fransiyalik futbolchini sotishga qarshi emas, biroq ayni paytda Myunxen rahbariyati «Inter»dan taxminan 35 million yevro to‘lashini talab qilmoqda.
«Bavariya» bosh murabbiyi Tomas Tuxel Pavarni o‘z jamoasida qoldirishni istaydi, ammo fransiyalik futbolchining o‘zi qolishni istamayapti.
Agar «Inter» «Bavariya»ning moliyaviy talablarini qondira olmasa, Pavar shartnomasi yakuniga qadar klubda qolishga majbur bo‘ladi.
