Darvozabon Dominik Livakovich yaqin vaqt ichida Zagrebning «Dinamo»sidan Turkiyaning «Fenerbaxche» klubiga o‘tishi kerak.

2022 yilgi jahon chempionatida o‘zini yaxshi ko‘rsatgan futbolchining transferi yaqin 24 soat ichida yopilishi kerak. Bu haqda nufuzli insayder Fabrisio Romano ijtimoiy tarmoqlarda xabar berdi.

Qayd etilishicha, 28 yoshli Livakovich yozgi transferini yakunlash uchun chorshanba kuni Turkiyaga boradi.

Qo‘shimcha qilamizki, nufuzli transfermarkt portali ekspertlari Dominik Livakovichni 12 million yevroga baholamoqda. Bu darvozabon Xorvatiya terma jamoasi safida 45 ta o‘yin o‘tkazgan.