Дарвозабон Доминик Ливакович яқин вақт ичида Загребнинг «Динамо»сидан Туркиянинг «Фенербахче» клубига ўтиши керак.
2022 йилги жаҳон чемпионатида ўзини яхши кўрсатган футболчининг трансфери яқин 24 соат ичида ёпилиши керак. Бу ҳақда нуфузли инсайдер Фабрицио Романо ижтимоий тармоқларда хабар берди.
Қайд этилишича, 28 ёшли Ливакович ёзги трансферини якунлаш учун чоршанба куни Туркияга боради.
Қўшимча қиламизки, нуфузли transfermarkt портали экспертлари Доминик Ливаковични 12 миллион еврога баҳоламоқда. Бу дарвозабон Хорватия терма жамоаси сафида 45 та ўйин ўтказган.
