Испания терма жамоаси футболчиси Ламин Ямал ЖЧ-2026 даги Кабо-Верде билан ўйиндан сўнг мухлисларга мурожаат қилди.
Учрашувда дарвозаларга гол урилмади — 0:0. Ушбу баҳс Ямаль учун жаҳон чемпионатларидаги фаолиятида биринчиси бўлди.
"Жаҳон чемпионатидаги илк ўйин ва қўлга киритилган бир очко. Биз турнир узоқ давом этишини ва мақсадимиз ҳали олдинда эканлигини тушуниб турибмиз. Меҳнат қилишда давом этамиз ва ҳаммаси биз хоҳлагандек бўлади. Бунга шубҳа қилманг", — деб ёзди Ямал.
Шунингдек, испаниялик футболчи жароҳатдан сўнг майдонга қайтиш имкониятини бергани учун Аллоҳга шукрона айтди ва қўллаб-қувватлагани учун ўз оиласига миннатдорчилик билдирди.
Эслатиб ўтамиз, гуруҳ босқичининг навбатдаги турида Испания терма жамоаси Уругвайга қарши майдонга тушади.
