Ispaniya terma jamoasi futbolchisi Lamin Yamal JCH-2026 dagi Kabo-Verde bilan o‘yindan so‘ng muxlislarga murojaat qildi.
Uchrashuvda darvozalarga gol urilmadi — 0:0. Ushbu bahs Yamal uchun jahon chempionatlaridagi faoliyatida birinchisi bo‘ldi.
"Jahon chempionatidagi ilk o‘yin va qo‘lga kiritilgan bir ochko. Biz turnir uzoq davom etishini va maqsadimiz hali oldinda ekanligini tushunib turibmiz. Mehnat qilishda davom etamiz va hammasi biz xohlagandek bo‘ladi. Bunga shubha qilmang", — deb yozdi Yamal.
Shuningdek, ispaniyalik futbolchi jarohatdan so‘ng maydonga qaytish imkoniyatini bergani uchun Allohga shukrona aytdi va qo‘llab-quvvatlagani uchun o‘z oilasiga minnatdorchilik bildirdi.
Eslatib o‘tamiz, guruh bosqichining navbatdagi turida Ispaniya terma jamoasi Urugvayga qarshi maydonga tushadi.
