Маркус Рэшфорд якунланган мавсумда ижара ҳуқуқи асосида «Барселона» шарафини ҳимоя қилди. ОАВ маълумотларига кўра, каталонияликларда футболчини 30 миллион еврога сотиб олиш ҳуқуқи мавжуд бўлган.
Бироқ Испания гранди ушбу бандни фаоллаштиришни истамаяпти. Шу сабабли футболчи «Манчестер Юнайтед»га қайтади.
Манбанинг ёзишича, «қизил иблислар» устози Майкл Кэррик вингернинг қайтишини мамнуният билан кутиб олади. Мураббий ушбу футболчи билан бирга ишлашни хоҳламоқда. Шунингдек, Маркус Рэшфордга «Челси» ва «Бавария» клублари ҳам даъвогарлик қилмоқда.
