«Барселона»нинг собиқ футболчиси Жерар Пике қанот ҳимоячиси Марк Кукурельянинг Мадриднинг «Реал» клубига ўтгани ҳақида фикр билдирди. 27 ёшли футболчи «кўк-анорранглилар» академияси тарбияланувчиси ҳисобланади ва 2020 йилга қадар клуб тизимида фаолият юритган.

«Кукурелья "Ла Масия"дан етишиб чиққан. У болалигидан "Барселона" эмблемасини ҳимоя қилган, клуб қадриятларини ўзлаштирган ва "Барселона" бутун дунёдаги миллионлаб мухлислар учун нимани англатишини яхши билган. Шунинг учун ҳам бу қарор ["Реал"га ўтиш] янада оғриқли қабул қилинмоқда.

"Ла Масия" тарбияланувчиси бу рақобатни бошқаларга қараганда яхшироқ тушунади. Агар сен "Барселона" академиясида вояга етган бўлсанг, кейин эса "Реал" Мадридни танласанг, "Барселона" мухлислари бундан хурсанд бўлишини кутма.

"Ла Масия" оддий футбол академияси эмас — бу ўзига хосликдир. "Барселона"ни тарк этиш мумкин, аммо "Ла Масия" сени тарбиялаганидан кейин "Реал" Мадридга ўтишми? Кўплаб мухлислар учун бу энди меъёрдан ошиб кетиш ҳисобланади.

Инсонлар ўз қарорларини қабул қилиш ҳуқуқига эга, аммо ҳақиқий "Барса" мухлиси ўз илдизларини ҳеч қачон унутмайди», — деди Пике Defensa Central нашрига берган интервьюсида.