OCHL pley-off bosqichi doirasidagi «Al-Arabiy» — OKMK (0:1) uchrashuvidan so‘ng olmaliqliklar bosh murabbiyi Mirjalol Qosimov matbuot anjumanida ishtirok etdi.

— Bitta o‘yinda har ikki jamoaning imkoniyati yuqori ekanini aytib o‘tgandim. Har ikki jamoa guruh bosqichiga chiqishni maqsad qilgandi. Shuning uchun ham uchrashuv kurashlarga boy bo‘ldi. Oson o‘yin bo‘lmadi. Umid qilaman, bahs muxlislarga yoqdi, ammo natija mahalliy muxlislarga yoqmagani aniq. O‘zbekistonlik muxlislarga esa o‘yin va natija yoqdi, deb o‘ylayman. Fursatdan foydalanib, "Navbahor"ni ham Osiyo chempionlar ligasi guruh bosqichiga chiqqani bilan tabriklayman.

— Bugun "Ar-Arabiy" yaxshi o‘yin ko‘rsatdi, ammo OKMK taktik nuqtai nazardan to‘g‘ri harakat qildi. O‘yin shunday ssenariy ostida kechishini kutganmidigiz?
— "Ar-Arabiy" juda yaxshi jamoa ekanini ta’kidlab o‘tgandim. Shunga qaramay, shogirdlarim raqib jamoaga bo‘sh hudud qoldirmadi, zich harakat qilishdi. Bu esa raqibga noqulaylik tug‘dirdi. Boshqa tomondan Qatarda hali mavsum boshlanmagan. Bu ham o‘z ta’sirini ko‘rsatdi. Jamoa hali musobaqa ritmiga tushib olmagan. Bu narsa ham bizga asqotdi. "Al-Arabiy" klubiga chempionatining joriy mavsumida omad tilayman.

— Joriy mavsumda O‘zbekistonning 4ta klubi OCHL guruhida ishtirok etadigan bo‘ldi. Saudiya Arabistoni jamoalari kuchayib borayotganini inobatga olgan holda o‘zbek klublarining musobaqadagi imkoniyatlarini qanday baholaysiz?
— Bu futbol.

— Qatarning ikki klubi OCHLni tark etgani borasida fikrlaringiz.
— Bu ham futbol (kuladi).

— Jahon chempionatini qabul qilgan stadionda o‘ynash qanday bo‘ldi? Taassurotlaringiz.
— Biz futbol o‘ynagan paytda bunday stadionlar yo‘q edi. Ta’rifga til ojiz.