Germaniyalik himoyachi, hozirda "Vest Xem" futbolchisi Tilo Kerer vataniga qaytishi mumkin. Daily Mail xabariga ko‘ra, futbolchining xizmatlariga Myunxenning "Bavariya" klubi qiziqish bildirmoqda.
Bundesliga chempioni rahbariyati Kererni yaqin kunlarda "Inter" bilan shartnoma imzolashi kerak bo‘lgan fransiyalik Benjamin Pavarning o‘rniga o‘rinbosar sifatida ko‘rmoqda.
Tilo o‘tgan yilning avgust oyida London klubiga o‘tgan edi. Tomonlar o‘rtasidagi mehnat shartnomasi muddati 2026 yil iyun oyining oxirigacha hisoblanadi. Transfermarkt ekspertlari uning qiymatini 18 million yevroga baholamoqda.
Premyer-liganing o‘tgan mavsumida Kerer 27 ta o‘yinda maydonga tushib, 2 ta golli uzatmani amalga oshirgan.
