Германиялик ҳимоячи, ҳозирда "Вест Хэм" футболчиси Тило Керер ватанига қайтиши мумкин. Daily Mail хабарига кўра, футболчининг хизматларига Мюнхеннинг "Бавария" клуби қизиқиш билдирмоқда.
Бундеслига чемпиони раҳбарияти Керерни яқин кунларда "Интер" билан шартнома имзолаши керак бўлган франциялик Бенжамин Паварнинг ўрнига ўринбосар сифатида кўрмоқда.
Тило ўтган йилнинг август ойида Лондон клубига ўтган эди. Томонлар ўртасидаги меҳнат шартномаси муддати 2026 йил июн ойининг охиригача ҳисобланади. Transfermarkt экспертлари унинг қийматини 18 миллион еврога баҳоламоқда.
Премьер-лиганинг ўтган мавсумида Керер 27 та ўйинда майдонга тушиб, 2 та голли узатмани амалга оширган.