“Monako” “Arsenal” klubi hujumchi Folarin Balogun transferi bo‘yicha to‘liq kelishuvga erishdi. Foot Mercato xabariga ko‘ra, monakoliklar "kanonirlar"ga oldindan 30 million yevro va turli bonuslar sifatida yana 10 million yevro to‘laydilar.
Yaqin soatlarda 22 yoshli angliyalik hujumchi tibbiy ko‘rikdan o‘tadi va ba’zi tafsilotlarni kelishib olib, "Monako" bilan shartnoma imzolaydi.
2022/2023 yilgi mavsumda Balogun "Reyms"da ijara asosida o‘ynadi. Yosh hujumchi hisobida barcha musobaqalarda 39 ta o‘yin o‘tkazib, 22 ta gol va 2 ta golli uzatmaga mualliflik qilgan.