“Монако” “Арсенал” клуби ҳужумчи Фоларин Балогун трансфери бўйича тўлиқ келишувга эришди. Foot Mercato хабарига кўра, монаколиклар "канонирлар"га олдиндан 30 миллион евро ва турли бонуслар сифатида яна 10 миллион евро тўлайдилар.
Яқин соатларда 22 ёшли англиялик ҳужумчи тиббий кўрикдан ўтади ва баъзи тафсилотларни келишиб олиб, "Монако" билан шартнома имзолайди.
2022/2023 йилги мавсумда Балогун "Реймс"да ижара асосида ўйнади. Ёш ҳужумчи ҳисобида барча мусобақаларда 39 та ўйин ўтказиб, 22 та гол ва 2 та голли узатмага муаллифлик қилган.
