"Barselona" markaziy himoyachisi Kleman Langle "Sevilya"ga qaytishi mumkin.

Kataloniya klubi fransuz futbolchisi bilan transfer oynasi yopilguniga qadar xayrlashmoqchi, chunki bosh murabbiy Xavi Ernandes uni rejalariga kiritmagan. Langleni ketish masalasidagi asosiy muammolardan biri uning yuqori maoshi bo‘lib, u boshqa jamoalarni qo‘rqitmoqda. Marca xabariga ko‘ra, 28 yoshli futbolchiga "Sevilya" qiziqib qolgan. Andalusiyaliklar mavsum uchun markaziy himoyachini ijaraga olishni istamoqda, biroq uning maoshining faqat bir qismini qoplashga rozi.

Kleman Langle 2017 yildan 2018 yilgacha "Sevilya"da o‘ynagan va u yerdan deyarli 36 million yevro evaziga "Barselona"ga o‘tgan.