"Барселона" марказий ҳимоячиси Клеман Лангле "Севилья"га қайтиши мумкин.

Каталония клуби француз футболчиси билан трансфер ойнаси ёпилгунига қадар хайрлашмоқчи, чунки бош мураббий Хави Эрнандес уни режаларига киритмаган. Ланглени кетиш масаласидаги асосий муаммолардан бири унинг юқори маоши бўлиб, у бошқа жамоаларни қўрқитмоқда. Marca хабарига кўра, 28 ёшли футболчига "Севилья" қизиқиб қолган. Андалусияликлар мавсум учун марказий ҳимоячини ижарага олишни истамоқда, бироқ унинг маошининг фақат бир қисмини қоплашга рози.

Клеман Лангле 2017 йилдан 2018 йилгача "Севилья"да ўйнаган ва у ердан деярли 36 миллион евро эвазига "Барселона"га ўтган.