Krishtianu Ronaldu va Malkom Saudiya Arabistonida oyning eng yaxshi futbolchisi sovrini uchun kurashmoqda.
Saudiya Arabistoni ligasi avgust oyining eng yaxshi futbolchisi sovriniga nomzodlar nomini e’lon qildi. Sovringa Krishtianu Ronaldu (“An-Nasr”), Igor Koronado (“Al-Ittihod”), Riyod Mahrez (“Al-Ahli”) va Malkom (“Al-Hilol”) da’vogarlik qilmoqda.
Avgust oyida Ronaldu Saudiya Arabistoni chempionatida 3 ta o‘yin o‘tkazib, 5 ta gol va 2 ta golli uzatmani amalga oshirgan.
Koronado hisobidan 4 ta uchrashuv, 3 ta gol va 2 ta golli uzatma.
Malkom avgust oyida 4 ta o‘yinda maydonga tushib, 4 ta gol urdi va 1 ta golli uzatmani amalga oshirdi.
Mahrez 4 ta o‘yin o‘tkazib, 2 ta gol urdi va 2 ta golli uzatmani amalga oshirdi.
