«Barselona» yangi mavsum boshlanishi oldidan maoshlar bilan bog‘liq xarajatlarni 162 million yevroga qisqartirishga erishdi.

Endi klub bir mavsum davomida futbolchilar, murabbiylar va xodimlarga jami 404 709 155 yevro miqdorida maosh to‘laydi. «Barselona»ning avvalgi bunday xarajati 566 460 767 yevroga teng edi.

Klub Antuan Grizmann, Jerar Pike, Fransishku Trinkau, Jordi Alba, Niko Gonsales, Frank Kessie, Usmon Dembele, Serjinyo Dest, Kleman Langle, Ansu Fati, Erik Garsiya va Abde Ezzalzuli bilan xayrlashish orqali 213 million yevro miqdorida pul tejagan bo‘lsa, Oriol Romeu, Ilkay Gyundogan, Joau Feliks, Joau Kanselu va Inigo Martines bilan shartnoma imzolab, maoshlar qaydnomasiga 50 562 711 yevro miqdorida xarajatni qo‘shib qo‘ydi.