Ispaniya Qirollik futbol federasiyasi (RFEF) rahbari Luis Rubiales o‘z lavozimini tark etishini ma’lum qildi.

46 yoshli funsioner o‘z qarori haqida jurnalist Pirs Morganga bergan intervyusida gapirib berdi.

"Mening iste’fommi? Ha, ketaman. Chunki ishimni davom ettira olmayman”, - dedi Rubiales.

20 avgust kuni Ispaniya ayollar terma jamoasi JCH finalida Angliya terma jamoasini mag‘lub etib (1:0) jahon chempioni bo‘ldi. Taqdirlash marosimida Rubiales ispaniyalik futbolchi Jennifer Ermosoning lablaridan o‘pdi.

25 avgust kuni Rubiales xatoga yo‘l qo‘yganini, lekin iste’foga chiqish niyati yo‘qligini aytdi. Uning so‘zlariga ko‘ra, u va sportchi o‘rtasidagi holat kelishuv asosida bo‘lgan. Ermoso bayonot berdi, unda u Rubialesni yolg‘onchilikda aybladi va bu voqea unga yoqmaganini qo‘shimcha qildi.

Ispaniya prokuraturasi Rubialesning jinsiy zo‘ravonligi yuzasidan tergov boshladi. FIFA shuningdek, Rubialesni 15 yilga futboldan chetlashtirishni istamoqda.