"Milan" darvozaboni Mayk Menyan kecha "Nyukasl"ga qarshi Chempionlar ligasi guruh bosqichi 1-tur uchrashuvini yakunlay olmadi. Darvozabon o‘yin oxirida maydonni tark etdi.
Calciomercato jurnalistlariga ma’lum bo‘lishicha, futbolchiga chap son mushaklari zo‘riqishi tashxisi qo‘yilgan. MRT boshqa jiddiy muammolarni aniqlamadi.
Bu mavsumda Menyan Italiya chempionatida to‘rtta o‘yin o‘tkazdi. 28 yoshli fransiyalik futbolchi o‘z darvozasidan 7 ta gol o‘tkazib yubordi va bitta o‘yinda darvozasi daxlsizligini saqlab qoldi.
