"Brentford" hujumchisi Ayvan Toni "Chelsi"ning yaqinlashib kelayotgan transfer oynasidagi asosiy maqsadi bo‘lib qolmoqda.

"Ko‘klar" rahbariyati jamoaga markaziy hujumchi pozisiyasini kuchaytirish kerak deb hisoblamoqda va 27 yoshli futbolchi bozorda birinchi variant sifatida aniqlangan. GOAL nashrining yangilangan ma’lumotlariga ko‘ra, "Chelsi" Toni bilan tez orada shartnoma imzolanishiga ishonchi komil. "Brentford" o‘z yulduzini 60 million funt sterlingga baholaydi [taxminan 69 million yevro] va "aristokratlar" yanvar oyida bu talabni qondirishga tayyor ekanliklari aytiladi.

Eslatib o‘tamiz, Ayvan Toni totalizator o‘ynagani uchun kelasi yil boshiga qadar diskvalifikasiya qilingan. Transfermarkt portali angliyalik futbolchining narxini 35 million yevroga baholamoqda.