"Брентфорд" ҳужумчиси Айван Тони "Челси"нинг яқинлашиб келаётган трансфер ойнасидаги асосий мақсади бўлиб қолмоқда.
"Кўклар" раҳбарияти жамоага марказий ҳужумчи позициясини кучайтириш керак деб ҳисобламоқда ва 27 ёшли футболчи бозорда биринчи вариант сифатида аниқланган. GOAL нашрининг янгиланган маълумотларига кўра, "Челси" Тони билан тез орада шартнома имзоланишига ишончи комил. "Брентфорд" ўз юлдузини 60 миллион фунт стерлингга баҳолайди [тахминан 69 миллион евро] ва "аристократлар" январь ойида бу талабни қондиришга тайёр эканликлари айтилади.
Эслатиб ўтамиз, Айван Тони тотализатор ўйнагани учун келаси йил бошига қадар дисквалификация қилинган. Transfermarkt портали англиялик футболчининг нархини 35 миллион еврога баҳоламоқда.
