«Манчестер Юнайтед» ва «Реал»нинг собиқ ҳужумчиси Чичарито шахсий ҳаётидаги оғир вазият ҳақида очиқ гапирди. Мексикалик футболчининг айтишича, модель Сара Кохан билан ажрашганидан кейин ҳам у собиқ рафиқасининг «жуда ҳашаматли ҳаёти» учун катта маблағ сарфлашда давом этмоқда.
Чичарито 2020 йилда Сара Кохан билан ажрашганидан кейин унинг зиммасида миллионлаб миқдордаги қарзлар қолганини таъкидлади. Футболчи собиқ оиласи олдидаги мажбуриятларини ҳали ҳам бажараётганини айтди.
TMZ Sports аввалроқ Кохан алимент сифатида ойига 73 минг фунт стерлинг талаб қилгани ҳақида хабар берган эди.
«Фарзандларим мен билан яшамайди ва уларни кун давомида кўриш имконим йўқ. Улар билан телефон орқали гаплашаман. Иш билан банд бўлган пайтларимда эса баъзан видеоқўнғироқ орқали ҳам боғлана олмайман», — деди Чичарито La Mesa Caliente дастурида.
Собиқ «Реал» ҳужумчиси учун энг оғир жиҳатлардан бири айнан фарзандлари билан доимий бирга бўла олмаслик эканини таъкидлади.
