Брэдли Баркола «ПСЖ»ни тарк этиб, Англияга йўл олди. «Ливерпуль» футболчи учун 145 миллион евро тўлади ва энди у фаолиятини Премьер-лигада давом эттиради.

Усмон Дембеле эса фаолияти давомида Англияда ҳеч қачон тўп сурмаган ва, кўринишидан, ҳозирча бундай режаси ҳам йўқ. Балки у ўзига жуда яқин деб биладиган Баркола билан яна бир жамоада ўйнаш учунгина бундай қарорга келиши мумкин.

Дембеле собиқ жамоадоши билан жуда қисқа, аммо самимий сўзлар орқали хайрлашди. У ижтимоий тармоқда Баркола билан тушган суратини жойлаб, «Менинг биродарим», деб ёзди.

Эслатиб ўтамиз, Усман Дембеле 2023 йилдан буён «ПСЖ» шарафини ҳимоя қилиб келмоқда. У бунга қадар бир неча йил давомида «Барселона» сафида тўп сурган.