“Ayaks” va “Feyenoord” yakshanba kungi Niderlandiya chempionati uchrashuvini yakunlay olmadi. Maydonda sodir bo‘layotgan voqealardan norozi bo‘lgan "Ayaks" muxlislari (ularning jamoasi 0:3 hisobida mag‘lub bo‘layotgandi) maydonga pirotexnika vositalarini tashlab, uchrashuvni buzdi.
O‘yin izdan chiqqanidan so‘ng, “Ayaks”ning faol muxlislari jamoaning uy stadionida tartibsizliklar ko‘tara boshlashdi.
"Ayaks" hozirda Niderlandiya chempionati turnir jadvalida 13-o‘rinni egallab turibdi. Erediviziyaning so‘nggi to‘rt turida jamoa atigi besh ochkoni qo‘lga kirita oldi.
