«Arsenal» muxlisi bo‘lgan jurnalist Pirs Morgan London klubida darvozabon almashgani haqida fikr bildirdi.
O‘tgan mavsumda va joriy mavsum boshida «Arsenal»ning asosiy darvozaboni Aaron Remsdeyl bo‘lgandi, ammo so‘nggi o‘yinlarda darvoza o‘rnini yozgi transfer oynasida «Brentford»dan klubga ko‘chib o‘tgan David Rayya egalladi.
«Menga darvozabon bilan bog‘liq vaziyat yoqmayapti. Menimcha, bu yaxshi emas va ular nima deb o‘ylashayotganini bilmayman.
Rayya «Tottenxem»ga qarshi o‘yinda bitta ajoyib seyvni amalga oshirdi, ammo birinchi golda u aybdor edi.
Men Remsdeylga qaradim va uni qo‘llab-quvvatlagan bo‘lardim, lekin Aaron nega bunday xo‘rlashayotganini tushunmayapman», – dedi Morgan.
