Shanba kuni "Arsenal" APLning 7-turi doirasida "Bornmut"ga qarshi safarda o‘ynaydi. London jamoasi boshqaruvchisi Mikel Arteta jamoadagi kadrlar holati haqida fikr bildirdi.
"Rays hali mashq qilmagan. Bir soatdan keyin mashg‘ulotimiz bor va uning ahvoli haqida batafsil ma’lumot olamiz. Martinelli mashg‘ulot o‘tkazmadi, Trossard va Saka ham xuddi shunday qilishdi. Ularning barchasi bir guruhda. Salibaning jarohati bor edi va Viyeyra so‘nggi mashg‘ulotlarda qatnashmadi. Biz bugun ularni baholashimiz kerak" - dedi Arteta jurnalistlarga.
"Arsenal" ayni damda Angliya chempionati turnir jadvalida beshinchi o‘rinni egallab turibdi.
