Shanba oqshomida "Salernitana" va "Inter" A Seriya doirasida o‘zaro bahs olib bordi.

Lautaro Martines zaxiradan maydonga tushguniga qadar o‘yinda hisob ochilmagan edi. Argentinalik futbolchi 55-daqiqada maydonga tushdi va poker qayd etishga muvaffaq bo‘ldi – "neradzurrilar" o‘z yetakchisining jasorati evaziga mehmonda 4:0 hisobida g‘alaba qozondi.

Opta nashrining xabariga ko‘ra, Martines A Seriyaning zaxiradan maydonga tushganidan keyin bir o‘yinda to‘rtta gol urgan birinchi futbolchidir. Gap 1994/1995 yillar mavsumidagi g‘alabalar uchun ikkita o‘rniga uch ochko berila boshlagan davr haqida ketmoqda.

Yetti turdan keyin “Inter” “Milan” bilan birga A Seriya turnir jadvalida peshqadamlik qilmoqda – jamoalar 18 ochkodan jamg‘argan.